وين الوّداع
قيس السهيلي

بالسكتة القلبية .. غاب الشاب الدكتور المندائي بشار ..وهو في عز عطائه. واليوم
أريد أن أعيد هذه القصيدة لكل محبيه .. فله الرحمة والذكر الطيب ..ولأمه الصبر والسلوان
ولسان حالها يقول :

رحت عني ..وغربت .. شبساع
ل مسافر ..وكول أبعيد ... ول متيه ..وكولن ضاع
ولا صدرك ..يشيل الغيظ ...ومزاعل ..وكولن باع
صرت ..بين الشجه واللوم ...ريح .. اطارد اشراع
خطيه .. الروح .. رادت ليك ...تعبت .. وين الوداع
بدمع عيني .. وهذاك الحيل .. ربيتك ..يدره
او ضكت ..لوعات وسهر ... ويام مره
او طرت .. والشوك بجناحي ..أريد وياك .. هالمره
وعليك .. وإلك ..حوميت ...وعيني بس إلك .. تبره
إنزرعت ..بكلبي ..يا روحي ...وإنت .. بكلبي يمه .. أدره
او رحت ..يوليدي ..أنيشلك ...عروس إتلوك إلك .. مهره
وجهزلك .. مثل كل أم ...ول يوم العرس .. منتظره
أثاريه .. الوكت دولاب ... فرني بيك .. هالفره
نطرتك .. إنت .. تدفني ...و موتن .. موتة .. الحره
لاجن .. يا شديد الحيف ... عفتني..بناري ..منتظره