يا صديقي
بچت گاعك ؟
أنا مثلك
بچت گاعی
وبچه البستان
وخريسان
هم حزنان
حزنان ونسه الضحكه
وصوت العندليب
تبدل بأصوات
مختنگه
وسعف الآشرسي
يابس نسه
ألشبگه
ذبحوا نشوه أبريمي
وبصفها ذبحوا
النبگه
ولاتنشد على الرمان
أخاف اتصيبك
الشهگه
وثوب العروس؟
قماش چفن الموت
لاهلاهل
لاطبل
لاغنوه
فقط صوت الكواتم
لوطلقات
من تفگه
لیا وکت نبگه ؟ ؟
نبچی علی الديره
لو نبچی علی
الفرگه
حتى أچفوفنا
نست ما تتذكر
الصفگه
شوكت ننسه
ليالي الخوف؟
ونتلگه
الحبیب المحتاج
للملگه
نتلگه الحبیب
وأنضمه
أبحرگه
چنت أبديرتك
تمشي مشي مهيوب
هسه أبديرتك
تمشي وتتوگه
شوكت تشرق
شمس تموز؟
تكرف هالزبل
وبنارها أتحرگه
وبنارها اتحرگه ؟