هي القصيدة كتبتها في ذكرى صديقي العزيز
عزيز داهر جميل الزهيري الذي فُقِدَ في الحرب
العراقية -الإيرانية , حاله حال أخي كريم
عــزيز إنتَ العــزيز .. او خَل يعرفون
شما نكتب شِعِر .. بيك او دِواوين
يظَل ذِكَرك عـزيز .. او شِيمه للحچون
او يظَل ثوب الحِزِن .. بگلوبنه اسنين
يا نَـسمَة فَــرح .. اتكَحل العـيــــــون
اتسَلّم ع الخواطر .. ترسِم انياشين
يا طِيبه او شَهامـه .. او هَـمْ ع المّتون
غَـرَگ بيك الحِزن .. و چفوفه بالطين
على گـبـــــــرَك أدوّر .. مثـل مجنــون
ذِبلَت وردتي .. ابين العَناوين
على غَـفلَه رِحِــــت .. و أهـلَك يونون
و إحنه الشوفِتك .. عَـزاوي مشتاگين
وَديـت السَـلام .. او ويـــــــــن مَـتكون
بيد اكرَيّم الراح .. اوي المساكين
اكـريّم أخـــــوّي .. الحَـچيه مَـزيــــون
عَليك ايدَوّر .. او حاروا المَيتين
أثاريـــه ابلا گـبر .. مِثـلَك بـلا عـون
بِچَـه اعليه النخل .. وي شِجرة التين
ألف رَحـمه عَـليكم .. والكل يگولون
يا ريح المِسِچ .. يا عِينة الطيبين