ميسون نعيم الرومي
يـا تـَمـْوزْ بـِـيـه اربـَعْطـَعـَشْ ليـلـَه – كـُلـْهـَه اوللشـَعـَب تـِهـْـتـِفْ تـِغـَنـْيـلـَه
هـَــلْ بـَـدرْ العـراقْ ابـْهـيــبـَـة الثـوارْ
يـومْ اربـَعْطـَعـَشْ وابـْعـَسـْـكـَرَه الجـَرّارْ
هـِـتــَفْ كـُـلْ الشـَعـَبْ فـاليسـقـط ْاسـْتـِعـْمـارْ
نـِهـَضْ جـيـشْ العـِراقْ اوثـارْ عَ العـيـلـَه - يـا تـَمـْوزْ بـِـيـه اربـَعْطـَعـَشْ ليـلـَه
--------------------
نـِحـَيـي الثـارْ ذاكْ اليـومْ وابـْـدَمـّه
وابـْروحـَه زِحـَفْ هـالجـيـشْ ابـو الهـِمـّه
نـِزَفْ د َمّ الشـَـهـيــد ْ اوگـاعـَه لـِتـْـلـِمـّـه
تـِلـِمـّه اجـْفـوفْ ثـايــِـرْ ثــَورَه تـِحـْمـيـلـَه – كـُلـْهـَه اوللشـَعـَب تـِهـْتـِفْ تـِغـَنـْيـلـَه
---------------------
إذا راد الـشـَعـَبْ يـانـاسْ يـومْ ايـثـورْ
يـِهـْدِمْ كـُلْ ظـُلـُمْ وايـعـَلي بـيـدَه السـورْ
تـَمـوزْ العـِراقْ الثـارْ ضـِـدْ الجــورْ
يـَعـْراق الوَطـَنْ والشـَعـَبْ ياوَيـلـَه - يـا تـَمـْوزْ بـِـيـه اربـَعْطـَعـَشْ ليـلـَه
--------------------
زِلـمْ اتـحـَزّمـَتْ بـالمـوتْ ليـه ْاحـزامْ
بالثــَوره حـِمـَتْ واتـْرَفـرِفْ الأعـلامْ
عـَرَبْ واكـْرادْ واحـِدْهـُم بـَطـَلْ مـقـدامْ
تـَحـْمـي ثـَورِتـَه اوللسـِـلـِمْ تـِسـْـعـيـلـَه - كـُلـْهـَه اوللشـَعـَب تـِهـْـتـِفْ تـِغـَـنـْيـلـَه
--------------------
يـاهـورْ الگـِصـَبْ والثـارْ بـِـشـْمالـَه
واشـْمـالْ الجـِـبـالْ الثـارْ بجـْـبالـــَه
تـَمـوزْ العـَريـنْ اويـِحـْمـي بــشـْـبالـَه
يـاشـَعـِبْ العـِراقْ الغـنـّه ابـْمـَواويـلـَه – يـا تـَمـْوزْ بـِـيـه اربـَعْطـَعـَشْ ليـلـَه
---------------------
يـا ثـورَة عـِراقْ الخـيـَرْ والتـَغـيـيـرْ
ثـارْ اعلـَه التـَخـَلــُّفْ يـِنـْشـِدْ التـَغـيـيـرْ
ياكـُلْ بـالنـوه اوتـَمـراتـَه حـَـلگْ الغـيـَرْ
والغـَيـرْ الكـُره والحـِـقـِـدْ نـاويـلـَه – كـُلـْهـَه اوللشـَعـَب تـِهـْتـِفْ تـِغـَنـْيـلـَه
---------------------
تـاريـخِ انـْكـِـتـَبْ بسـْـنـيـنـَه واعـْوامـَه
صـارَتْ بالعـِـراقْ اهـواي لـَطـامـَه
أَويـلـي اعـْـلـَه العـِراقْ انـْـتــِرسْ لـَگــّامـَه
والغـُرْبـَه تـِـريـد الوَطـَنْ ...تـَحـْويـِلـَه - يـا تـَمـْوزْ بـِـيـه اربـَعْطـَعـَشْ ليـلـَه
--------------------
خـَمـْسـيـنْ اومُـضـَتْ فـوگـاهـَه خـَمـْسـَه اليـومْ
تـِســألْ هـالشـَـعـَبْ شــو طـالْ ليــشْ النـومْ ؟
يـِـبـْـلـَعْ بـالهـَضـمْ والغـَـصـّه بـالـبـَـلعــومْ
ضـَيـعْ ثـَورِتـَه اوچـَلـَبْ بـلـطـبـيـلـَه - يـا تـَمـْوزْ بـِـيـه اربـَعْطـَعـَشْ ليـلـَه
--------------------
بالحـايـِط ْ مـِسـَحْ إيـدَه شـَعـَبـْنـَه البـارْ
رِجـَعْ ليـنـَه الـِقـطـاعي اوصرنه هالطشـّـار
زلـِمْ الليـَلْ ماتـَتْ والشـَعـبْ مـِحـْـتـارْ
جـِيـرانْ الوِطـَنْ بالحـِقـِدْ تـِرْبـيـلـَه - يـا تـَمـْوزْ بـِـيـه اربـَعْطـَعـَشْ ليـلـَه
--------------------
رَبـي يـِحـْـفـُظـَـكْ يـعـْراقـْـنـَه الطـَيـِـبْ
يـَبـو دِجـْلـَه اوفـُراتْ الخـيـَرْ يـَحـْبـَيـِبْ
اليـِفـارگْ حـَبـْيـبـَه گــَلـبـَه اليـشـَيــِبْ
ياعـِطـرْ الوَرِدْ واقـرُنــفـُلـَه اوهـيـلـَه – كـُلـْهـَه اوللشـَعـَب تـِهـْـتـِفْ تـِغـَـنـْيـلـَه
---------------------
ســـــــــتـوكـهـولـمْ
14/ تموز / 2013
وَحـْدَكْ صـِرِتْ بالسـاحَـه ... يـامـَكـْـثــَرْالمـَدّاحـَه
صـيـدَكْ سـمينْ اشجايــِبْ ؟
أَثـْوَلْ اودومـَكْ خايــِبْ
آدم الكـُـلـّه امـْصايــِبْ
يـومْ الأكـَل تـُفـّاحـَه ... وَحـْدَكْ صـِرِتْ بالسـاحَـه
----------------
إيـدورْ ايـبـيـعْ ابـْفـراراتْ
رزقــَه اطلايـِـبْ وامْعـَثـراتْ
مـَليـانْ اشـْـليلـَه امـْكـَسـْراتْ
اسـْكـُتْ..وخـُذْلـَـكْ راحـَه... يـامـَكـْـثــَرْالمـَدّاحـَه
----------------
اوَيــــلاخْ عــَبـوســـي
ابـْنـوكْ انـْبـِنـَتْ بافـْلوسي
إسـْألْ امريكي اوروسي
كـُلمـَنْ يـِعـِدْ بارباحـَه ... وَحـْدَكْ صـِرِتْ بالسـاحَـه
-----------------------
فـارِسْ يـِعـْتـِقـِدْ امعـَتـْبـَرْ اوصِنـْديـدْ
يحچي ابعنتـَكه كـُلْ سـاعـَه كـِلـْمَه ايـزيـدْ
جـِذ ْبـَه ايـصَدگــَه لو گـالـَه فـَنـّه ايـجـيـدْ
يـِحـْچـي ابـْگـولْ نـَوّاحـَه ... يـا مـَكــْـثــَرْ المـَدّاحـَه
--------------------
يـاريـَتْ نـُعـرُفْ حـالِـنـَه
الظـلـُمْ عـَمْ اوصـابـنـَـه
-(قــَدوري) دَقَّ بـابـنـَـه
بالچـِـذِبْ نـاحْ انـيـاحَـه... وَحـْدَكْ صـِرِتْ بالسـاحَـه
-----------------------
مـِفـْلـِسْ يـِتـْمـَنـّه اوبالجـاه
مـايـِشــْبـَعْ اويـصيـحْ الآه
يـِتـْمـَنـّه لو صـايــِرْ شـاه
عـيـنـَه تـِضـَلْ شـَبـّاحـَه ... يـا مـَكــْـثــَرْ المـَدّاحـَه
--------------------
بـابَـه امـْشـَرعْ عَ الصـوبـيـَنْ
بـيـنْ امـحـيـسـِنْ بـيـنْ احـسـيـَنْ
ماتـِـتــْعـَبْ..تـُرْكـُضْ لـِـيـويـَنْ ؟
عـيـَنـَكْ تـِضَـلْ شـَبـّـاحـَه ... وَحـْدَكْ صـِرِتْ بالسـاحَـه
-----------------------
مـِتـْـنـَـدّرْ يـُذكــُرْ مـاضـيـّه
ماي اوهـالضـايـِعْ شـاطـيـّه
عـالـيـّه اليـُعـْرُفْ واطـِـيـّـه
والگــَيـشْ اليـِكـْشـِفْ سـَبـّاحـَه ... يـا مـَكــْـثــَرْ المـَدّاحـَه
--------------------
تـِحـْلـَمْ اوحـِلـْمـَكْ بالچـِذبْ
بالحـِلـِمْ چـَنْ تاكـُلْ عـِنـَبْ
الزَمـَنْ مايـِرْجـَعْ..صـَعـُبْ
زارعْ أَلـِفْ سـِـبـّاحـَه ... وَحـْدَكْ صـِرِتْ بالسـاحَـه
-----------------------
أَشـْكـيـلـَه والألله الشـِـعـِـرْ
يـِنـْبـاعْ..يارخـصْ السـِعـِرْ
هـلْ تـِعـَبْ من عـِدْنـَه النـَثـِرْ
عـَيـَنْ الصـَلـِفْ وَكـّـاحـَه ... يـا مـَكــْـثــَرْ المـَدّاحـَه
--------------------
تـِـلگـَـه الـزومْ عـِـدْ أَخـَـسْ الگـومْ
تـلگـَه النـَـفـْخـَه اوكـُلْ الزومْ – عـِـنـْد الخايـبْ...يـِـسـْبـي الگـومْ
ماتـِلگــَه الـزومْ الا عـِـدْ أخـَسْ الگـومْ
مـَكـْشـوفْ كـُـلـشـي والـنـَبـي
نـَـفـاخْ صاحـِـبـْـنـَـه اوغـَـبـي
بـالچـِـذبْ ســابـيـنـَه سـَــبـي
چـِذبـَـكْ مـَعـْروفْ اومـَـفـْهـومْ – عـِـنـْد الخايـبْ...يـِـسـْبـي الگـومْ
------------------
عـُمـْـرَكْ صايــِرْهـَمْ طِشارْ
كـافـي اتـْمـَـثـلْ ياغـَـــدارْ
تـنـْـثـر تـِـكـْتـِبْ بالأشـعارْ
اتـْوَزعْ يـسـْرَه او يـِمـْنـَه اسـْمـومْ – عـِـنـْد الخايـبْ...يـِـسـْبـي الگـومْ
------------------------
طالـِعـْـلـَه اجـْناحاتْ اوريـشْ
شـاطـِر.. يـِـهـْـتـِفْ يا يـعـيــشْ
لـَـتـْگــَيـش وابشـَطكْ گـيـشْ
ماكـو أَحـَدْ بـِـيـه ايـعـومْ ؟ – عـِـنـْد الخايـبْ...يـِـسـْبـي الگـومْ
---------------------
الراس مـَليـانْ ارْمـادْ
يـزمـطْ وايـعـِدْ الأمجاد
والله اتعبنه ..صحـْنـَه الداد
مـاضـي او حاضـر مـَعـلـوم – عـِـنـْد الخايـبْ...يـِـسـْبـي الگـومْ
----------------------
كافي ولك بـَسـّـكْ عادْ
مـَـلـيـانْ گــَلبـَكْ أحـْـقـادْ
هارونْ اوتابـِعْ شـَبـْعـادْ
سـَهـْرانْ ماشافْ النومْ – عـِـنـْد الخايـبْ...يـِـسـْبـي الگـومْ
------------------------
اسـْنـيـنْ تاكـُلْ باسـْـنـيـنْ
كـِفـْرَو ابالله اوعـِلـم الديـن
خايـِـنْ تـِلعـَبْ عَ الصوبـيـنْ
ياصوبْ المنهـِنْ مـَعـْـلومْ ؟ – عـِـنـْد الخايـبْ...يـِـسـْبـي الگـومْ
------------------
أَويـلاخْ يـايـابـَــه
گـاعـِد يـدگْ باربابه
اچوي الگــَلب عطابه
لو ظالم وايحـِبْ المـَظـْـلـومْ– عـِـنـْد الخايـبْ...يـِـسـْبـي الگـومْ
---------------------
مَهـْزَلـَه صايـِرْ مـَهـْزَله
زنـْجارْ ماكـِلْ مـِنـْجـَلـَه
هـَـلهـولـَه ياسـَبـعْ الفـَلـَه
ليـويـنْ تـِركـِضْ واتـْحـومْ – عـِـنـْد الخايـبْ...يـِـسـْبـي الگـومْ
-------------------
چـَم ْآخ مـِنـّكْ يـازَمـَنْ
حـِصـَـتـْنـَه مـِنـَكْ بـَسْ مـِحـَنْ
خـَليـَـتـْنـَه ابـْصَفْ دايـِحْ..عـَفـِنْ
عايـِبْ وايعـِـيـبْ ابـْمـَعـْـلومْ – عـِـنـْد الخايـبْ...يـِـسـْبـي الگـومْ
---------------------
چذبات اوتـِكـْـتـِلْ صاحـِبـْهـَه
اتـْـقـَـلل جاهـَه المايـِحسـِـبـْهـَه
كـُل بـوگــَه اوشـَمْسـَـكْ تكشـِفـْهـَه
اشـْمتـْضُمهـَه تـِتـْكـَشـَفْ يـومْ – عـِـنـْد الخايـبْ...يـِـسـْبـي الگـومْ
---------------------
سـَبـعْ السـُبـَمـْبـَعْ ياسـَـبـِعْ
واليـِرْفـَعْ اصبـِعْ يـِنـْگـطعْ
اشـجـابْ السـِـواگـِي عَ النـَبـِعْ
ريـِحـَه اوطـَيـْرَتْ كـُـلْ النـوم – عـِـنـْد الخايـبْ...يـِـسـْبـي الگـومْ
---------------------
2013 / حزيران / 15
ستوكهولم
أَعـْمالْ البـَشـَرْ مو كـُلهـَه مـَقـْبـولـَه – كـُلْ حـِلـو التـِـوَصْفـَه اليـومْ بـي لولـَه
مـوكـُـلْ البعـَـض يتسمـَّـه انسان
مثل وردِ الحديقه اشكال والـوان
صفصاف اودغل وابصفه رمان
اصابع ايد كلمن يفخرابطوله – كـُلْ حـِلـو التـِـوَصْفـَه اليـومْ بـي لـولـَه
-------------------
الـثابت يـَـناس : النار من الـنـّور
خـبـّـاز الشريف ايشرّف التـنـّور
قسم امن البشر يبني ابثنايه السور
والـثـانِـي يـهَـدْم الســّور بـفـعـولـَه – كـُلْ حـِلـو التـِـوَصْفـَه اليـومْ بـي لـولـَه
-----------------------
شـِـفـْتْ اشـْوارْبـَه واتـْعـَشـَـمت بـيه
حايـط من (كواغد) وانـتچي اعْـليه
نخوتــَـه من چـذب والدغش واليـه
مبادئنا العظيمه ابحلگه معلوله – كـُلْ حـِلـو التـِـوَصْفـَه اليـومْ بـي لـولـَه
-----------------------
تسفيط الشعر خل نغزل ابـْهالصوف
امجـَعچـَـل لگيته اوما اضن مـَندوف
تالـيت العـُمر بالشارع اومگـْـطـُوف
هلهوله القوافي اتصيح صفگوله – كـُلْ حـِلـو التـِـوَصْفـَه اليـومْ بـي لـولـَه
-----------------------
تـِـيتي يالأجيـتي اورحـتي يا (تـيــتي) ـ
اذكرچ بالـْمـَضه شو چـَـنـِچ انسيـتي
تاريـخ انكِـتب شـُو چـَـنـّـچ اطويـتي
عبود الكتب يا (كرخي) واتـگوله – كـُلْ حـِلو التـِـوَصْفـَه اليـومْ بـي لـولـَه
-----------------------
تاريخ الوكت تشريب بس اعـْظام
والـِـيثرد دِره .. بس الأكـَـل لگـّام
موت الـْيكـرف العـَظـّامْ والـشتــّام
ايده امن البخل ياناس مغلوله – كـُلْ حـِلـو التـِـوَصْفـَه اليـومْ بـي لـولـَه
-----------------------
واحد يرفـَـع اوللثاني بـَس يكــْبـس
گِـشايـَـة ْ سبوس ابماي ماتِـركــَس
ـ (شيبات) التشوّر بالصبغ تِـنحـَـس
ياشيب الوقار ابتاج محموله – كـُلْ حـِلـو التـِـوَصْفـَه اليـومْ بـي لـولـَه
-----------------------
الماضي الرچيچ الصاحبـَه ايـْعـَرّيـه
لايگـدر يبيعـَـه ...اوماگدر يـِشـْريـه
ايـْضل ايـْـلوحِـگــَه وابـْلوتـَه يـبـْـليــه
طمغه بالجبين اوهل بقت سوله – كـُلْ حـِلـو التـِـوَصْفـَه اليـومْ بـي لـولـَه
-----------------------
يـُنـْصُبْ ، رُفـَع ، سـَكــَّنْ ، جـِـزَمْ
يـِـعـْجـَز يـُوصفـَـك .. كـُـلْ قــَـلــَمْ
مَــعــْـروف والله ... ( الــبـَـلــَـلـمْ )
اصخام صَخـَمْ چوله – كـُلْ حـِلـو التـِـوَصْفـَه اليـومْ بـي لـولـَه
-----------------------
مـِـتـباهي يـِـمْـشي ابـطـولـــَه
والچـَعـَب يـِلـْـچـي ابـ (صولـَه) ـ
الـعـِـنــْـدَه ( حـَـقْ ) ايـْـگـولـَه
بـاطـِـلْ تـِزيـد احـمـولـَه – كـُلْ حـِلـو التـِـوَصْـفـَه اليـومْ بـي لـولـَه
اشـْكي أَظـَلْ وأَبـْچـي وَونْ – كـُلْ طـَبـعْ مـَيغـَيـْرَه الچـِفـَنْ
الـچـِذبْ هـالصايـِرْ فـــَنْ
للماضي هـَمْ عـاد اوحـَنْ
امگــَلگــَلْ انـْشـِلعـَه السنْ
مـِنْ وجـعـَه تخـْلـَصْ تـِسـْتـِچـنْ – كـُل طـَبـعْ مـَيغـَيـْرَه الچـِفـَنْ
------------------
يـِتـْعـَنـْه يـخـْلـقْ أَعـذارْ
مـِتـْمـَسـِكْ إبـكـُلْ إصْرار
الچـِذبْ طـَبـْعـَكْ هالصار
مـُدْمـِنْ ايـِسـَمـِمْ بـالـبـِـَدنْ – كـُل طـَبـعْ مـَيغـَيـْرَه الچـِفـَنْ
----------------------
نـُگـْطـَه اوهالطاحـَتْ ياحيفْ
نـافـُخْ صَدره اوشـِبـْه الشـيـَف
عَ الگـُـرْبـَه اوهالصاـِيرسـيـف
غـاسـِلْ او بالـبـولْ الجـِفـِنْ – كـُل طـَبـعْ مـَيغـَيـْرَه الچـِفـَنْ
------------------------
عَ الشـيـنـَه رايـِحْ مـِعـْتـنـي
بــِيـهـَه يــِهــِدْ او يـِنـْثـنـي
الدنـي كــُلْ عــُمـْرَه دنــي
ســَفـانْ غـَرَگْ بالسـفـِنْ– كـُل طـَبـعْ مـَيغـَيـْرَه الچـِفـَنْ
--------------------------
كـُلْ يـومْ يـِفـْتـي إبـْشـَغـْلـَه
اوهـِزّي رطـَبْ يانـَخـْلــَه
مـِسـْكـيـنْ صـايــِرْ نـَحـْلـَه
زَنـْبـور بـَسْ يـِدوْي ويـطـْن – كـُل طـَبـعْ مـَيغـَيـْرَه الچـِفـَنْ
--------------------------
بـَسْ الـوَعـَدْ ما كـو وِفـَه
هالـمـَرَضْ مامـِنـّه شـِفـَه
أَعـْذارْ كـِلـْهـَه امـزَيـِفــَه
صاحـِبـْهـَه يـاكـُلْ بالـتـِبـِنْ – كـُل طـَبـعْ مـَيغـَيـْرَه الچـِفـَنْ
----------------------------
تـِـتـْهـَزّمْ لـِيــويـَـنْ اتـْروحْ
خـَزَنْ گــَلبـَكْ كـُلـَه اجروح
دَگـاتـــَكْ ريحـَتـْهَه اتـْفــوح
كـُلْ يـومْ تـِسـْمـَنْ بالسـِمـنْ – كـُل طـَبـعْ مـَيغـَيـْرَه الچـِفـَنْ
---------------------------
واحـِدّنــَه يــِبـْلــَعْ بالمـوسْ
باطــِلْ على الحـَقْ ايـدوس
تــَمـْرَتــْنـَه ماكـِلهـَه السوسْ
والخـيـلْ مـَهـْدودْ الرِسـَنْ – كـُل طـَبـعْ مـَيغـَيـْرَه الچـِفـَنْ
--------------------------
ماتْ الضـَمـْيـِرْ ابـهالـْوَكـِتْ
لاحــَقْ بــُقـَه اولاظـَلْ بـَخـَتْ
إتــنـَجــِمْ اوعـالـــي طــِرتْ
لـلـگــاعْ ترجــَعْ مـِرْتـِهـنْ – كـُل طـَبـعْ مـَيغـَيـْرَه الچـِفـَنْ
----------------------------
بالـيـَعـْني نـِحچـي اوبالحـَضـَرْ
مانــعـْرُفْ اونــِكــْتـِبْ ســَطـِر
الـقــَلــــَمْ هـالـعــافْ الـحــِبــِرْ
والـوَرَقْ يــِبــْچـي اويــِمـْتـحـِنْ – كـُل طـَبـعْ مـَيغـَيـْرَه الچـِفـَنْ
بـ (الـعامْـريـّه) الـيــوم لـَطميـّه – ولدنه انذبحـَو ابأيد الحراميـّـه
يالشهيد اويالحبيب .. الولد يـَبـْـني
جابـوك العزيز.. اليوم هالـْـمدمي
ياشعب العراق الكـِـلـّه هالـْمَـسْـبي
عـَشـْر اسنين مرّت كلهه مدميـّة - ولـِدْنـَه انـذبـْحـَوْ ابـأيـدْ الحـَرامـِيـَه
--------------------------
مَدرستـك تِـنـادي : يالـوَلــَـد يـَـبـْـني
چـِـفـْـنـَـكْ .. يالــّبسته امن الزغـر چِـفـْـني
ردتــك للمشيب ... اوتحضرابـْـدفـْـني
بيت (ام الشهيد) انـْهـِدمْ چالِـيـّه - ولـِدْنـَه انـذبـْحـَوْ ابـأيـدْ الحـَرامـِيـَه
---------------------
الشعـَـب ... حايــِـر مَـهـْـموم
ماكـو فــرح ... بـَس اعـْـلوم
بـيـت الـشعـَـب كِـلــّـه ادمـُوم
يـدفع للحكومه ابكتلته ... الديـّه ـ ولـِدْنـَه انـذبـْحـَوْ ابـأيـدْ الحـَرامـِيـَه
-------------------------
ذبحـَـوْ ولــْدك .. من اسنـيـن
ذبحـُونـه .. ابـلايـَـه السچـّيـن
عـَبـاس اشـْهـَدْ ... عـَم احـْسيـن
كفـْرَو بالديانـَه الحنـقـبازيـّـه - ولـِدْنـَه انـذبـْحـَوْ ابـأيـدْ الحـَرامـِيـَه
--------------------
نـُوابْـنـَـه .. تـِلـْعـَبْ لـِعـبْ
ماتـِحـْمـْي بـيـتْ اولا دَرُبْ
والــشعـَب هَـالـْمـَـل اوتعـَب
غـُرْبـَه اســْتـوردوهـُمْ هـالأفـَنـْديـَه - ولـِدْنـَه انـذبـْحـَوْ ابـأيـدْ الحـَرامـِيـَه
--------------------
لـِسـْـيـادَه الـحـاكـِمْ مـدّاحْ
حـاكـِمـْنـَه الـقـاتـِلْ سـفـّاحْ
بـَـغـْـدادْ اوصارَتْ أَشـــْبـاحْ
كـُلْ بـيـَتْ البـْصـَفـّه أُوبـيـه لـَطـْمـيـَه - ولـِدْنـَه انـذبـْحـَوْ ابـأيـدْ الحـَرامـِيـَه
--------------------
نـِتـْحـَسـرْ الخـُبـْزَه مـِنْ يـِهـلْ اهـْلالْ
دكــْتـورا چـِذبْ .. بالأصلْ هالحـَمّال
والحـَمـّالْ أَشـْرَفْ .. لــَنْ قـَريـْر البالْ
كادحْ على اطــْفاله يـِشـْگه يوميـّه - ولـِدْنـَه انـذبـْحـَوْ ابـأيـدْ الحـَرامـِيـَه
--------------------
أَويـلي اعـْلـَه الشبابْ انـْدفـْنـَوْ اوراحوْ
والحـُكـامْ فـُـرحـَوْ .. بالچـِذب نــاحـَـوْ
ابـْــدَمْ الـشــَهـيـد الـيـومْ .. هـالـْبـاعـَـوْ
وابـْدمـّه تـِحـَنـوْ.. حـِنـّه عـَجـْمـيـّه - ولـِدْنـَه انـذبـْحـَوْ ابـأيـدْ الحـَرامـِيـَه
--------------------
ماكـُـو (كــَهْـرَبـَه) روح الــزَمْ الوايـَر
لأن مـُـلـكــَه (المـُوَلــّدْ) والشـَعبْ حايـِرْ
لاحـاطـْ (الأَفـَنـْدي) انـشـوفـَه بـَسْ طـايـِرْ
گاضيهه (چـَـتـَـه) اوْيـِلحـّس الصينيـّه - ولـِدْنـَه انـذبـْحـَوْ ابأيـدْ الحـَرامـِيـَه
--------------------
احـْذَرْ من شـَعـَبـْنـَه .. واحـْذرْ الأَمـْجـادْ
تـاريـخـَه نـَظـْيـفْ .. ابـْجـِيـلــَه هـَالـينـعاد
يــــــابـَغـداد .. احْـچـي ! فــِدوَه يابـَـغداد
افـضْحي (السَختچي) اوكل النهيـبيـَّه - ولـِدْنـَه انـذبـْحـَوْ ابـأيـدْ الحـَرامـِيـَه
بـ (الـعامْـريـّه) الـيــوم لـَطـمـيـّه – ولـِدْنـَـه انـْـذبـحـَو ابأيـد الحـَـرامـِـيـّـه
الـف داد اوتـِصـيـحْ الـدادْ يـادادْ – تـِصَخـُّم وجـهـَكْ او مـَتـْصيـِرْ حـَدادْ
مـو كـلمـَنْ نـِظـَمْ بـالشـِعـرْ شـاعـِرْ
وَلا الـصـَلـَّه تـَره يـِبـْنـي الـمـَنـايـرْ
خـَلـنـَه انـّاشــِدْ اصحـابْ الـضَمايـرْ
يجاوب بالصراحه موش بـعـْناد - تـِصَخـُّم وجـهـَكْ او مـَتـْصيـِرْ حـَدادْ
------------------------------
مـو كـِلمـَنْ نـِظـَمْ يـُعـرفْ الـهـَمـْزَه
وَلا كـِلمـَنْ گـُمـَزْ يـِتـْقـنْ الگـَمـزَه
لـو تـِحـْلـِفْ ابألله او الـف حـَمـْزَه
مـو سـَيـَدِ تـِصيـرْاو تـِنـطي المـراد – تـِصَخـُّم وجـهـَكْ او مـَتـْصيـِرْ حـَدادْ
-----------------------------
مـو كـَلمـَنْ نـِظـَم ْيـتـْقــَفـََََّه بالــْيـاءْ
ولا كـِلمـَنْ يـِداوي شـَخَّصْ الـداءْ
صـَخـََّمـنـَه الشـِعـرْ ياعـَمـّه خـَنـِساء
صـِرنـَه مـن خـَوالْ الضاء والظـادْ – تـِصَخـُّم وجـهـَكْ او مـَتـْصيـِرْ حـَدادْ
-----------------------------
اويـلي اعـلـَه الشـِعـرْ لو صار مـَنـْثور
حـُروفْ الـبـيه صارتْ جـارْ مـَجْرورْ
ظـَلامْ الـبـيـه شِـيـجـيـبـَه عَـلى الـنـورْ
مـِنـّه مـا تـِلـِمْ لو حـَفـْنـَةِ ارمـادْ – تـِصَخـُّم وجـهـَكْ او مـَتـْصيـِرْ حـَدادْ
-----------------------------
إلـقـي شـِعـْرَكْ ابـنـِصْ سـوگْ عـكـّـاظْ
مـصيـِبـَة اللي يـِنـْـقـِدَكْ لـيـشْ تـِنـْغـاضْ ؟
مـُضـارعــنـَه زعـَلْ لاتـِنـشـِدْ الـمـاضْ
والماضي يناس اعرابـَه ينگاد– تـِصَخـُّم وجـهـَكْ او مـَتـْصيـِرْ حـَدادْ
-----------------------------
اويـلي اعـلـَه الشـِعـر لـو هاج بـَحـْرَه
شـاعـِرْ مايـِعـُبـْرَه ابـْشـِعـْرَه ، حـَسـْرَه
تـِعـَيـِّبْ عَ الأســَدْ ، هالـيـومْ شـَصـْرَه
لـَتـْعـَيـِّبْ او شـعـركْ شـبـچ صياد – تـِصَخـُّم وجـهـَكْ او مـَتـْصيـِرْ حـَدادْ
-----------------------------
شـِـفـنـَه امن الشـِعـرْ اشـْكـالْ وانـْـواع
مـِثـلْ رگـّي العـِراقْ .. او صار دِلاّع
شـِعـِرْنـَه ابـْهـَالوَكـِتْ يـِنـْشـَرَه اويـِنـْباع
والـدَلاّلْ حـاضـِرْ صاحْ مـازادْ – تـِصَخـُّم وجـهـَكْ او مـَتـْصيـِرْ حـَدادْ
-----------------------------
مـَسكـيـنْ الشـِعـرْ والشـاعـِرْالگـالْ
ابـوذيـَـة يـِغـَنـي او نـــوبــَه مـَـوالْ
مـِنْ هـالـمالْ حـِمـْـلـَنْ ذَهـَبْ يـَجـْمالْ
عاگـولْ الأكـِلْ بالگـاع والـوادْ – تـِصَخـُّم وجـهـَكْ او مـَتـْصيـِرْ حـَدادْ
----------------------------
يـِشـْعــَِرْ بـالشعـِرْ وابـحـَلگـَه غـَصّه
انـطي لـلـخــُـبـَـزْ لو اكـَلْ نــِصـَه
طـابـوگْ اويـِعـوفْ اشـْلـونْ جـصَه؟
مايـِبـنـي تـَرَه والـبـيـتْ يـِنـْهـادْ – تـِصَخـُّم وجـهـَكْ او مـَتـْصيـِرْ حـَدادْ
----------------------------
يـاشـِعـرْ الـطـَـلاسـِمْ ردنـَه حـَلــَـه
نـِلـِبـْسـَه بـالصِفـْر ويــريـدْ حـُـلــّه
شـِعـِرْ گـيـمـَرْ السـَدَّه اوفـولْ حـِلــّه
شـِعـِرْنـَه لاتـِسـمـْعـَه او روحْ لـِيـغـادْ – تـِصَخـُّم وجـهـَكْ او مـَتـْصيـِرْ حـَدادْ
بـيـنْ الإنـِسْ اوبـيـنْ الجـانْ ـ ضـاعْ ابـْـتــَرْ بِـيـنْ الـبـِتـْرانْ
أبچي اولايـتـي والـظـَيـمْ والـيـهـَه
هـَم جوع اوفگرْ والـموتْ لافيهَه
رَبـي هالظـلـمْ لـيـشْ اوجـِرَه بيهه
ظـلـمْ الإنـســانْ الإنــسـانْ ـ ضاع ابـتـَـرْ بـيـنْ الـبـتـرانْ
-----------------------
طـارْ الـخـَـلْ امـِِنْ الـبـَصــره
والـنـاسْ الـهـَلـجـَرّتْ حـَسره
حـاديـنـَه اوهالـيـِتـْرسْ قَصره
خـَلْ نـِـملي ابـْقـِصـرْ السـلطانْ ـ ضاع ابتـرْ بين البتران
--------------------------------------------
نِـتـْلـَفـّـتْ.. لـِيـويـنْ انـْروحْ
والـگـَلـبْ مـَلـْيـانْ اجـروح
مـَهــْدور دَمـْنـَه اومَسفـوح
والـيـِسـفَـَـحْ بـيـه الشـَبـعـانْ ـ ضاع ابتـر بين البتران
---------------------------
مـَـتـْعرفـونْ الجـاري صارْ
خــَزْنـَـه اوطـارتْ ياسـَتـارْ
والشـَعـْب الجـايـِعْ مِحـْتـارْ
مَهـموم اودايخْ ... جـوعـان ـ ضاع ابتـر بين البتران
----------------------------
مَـنميـّز زيـنْ امن الشينْ
انـوَلـولْ كـِلـنـَه امن البينْ
امـغـمـّـض نايبنه العينين
أطـرَشْ مايسمع آذان ـ ضاع ابـْتـَـر بيـن البتران
------------------------------------------------------
ليش الروحْ ابطرگْ الحـَسـْره
والشـَعـَبْ الـمـَيـّـتْ وابـْعـِسـره
نـايـِبـْنـَه اوهـالـنافـخ صـَدره
إمدلـلْ وايغـَنـي اوفـَـرحـان ـ ضاع ابتـر بين البتران
-------------------------------------------------
خـَلْ نـِنـْتـِخـبْ اهـل العـِلـمْ
نـُكـْنـِسْ الماعـِنـده قِــيـَمْ
سـابـيـنـَه كـُلْ ساعه ابفلمْ
فــِلـمـَكْ هـِـنـدي ابلا عـِنـوانْ ـ ضـاع ابـْتــَر بين البـِترانْ
------------------------------------------------------
بـَغـْداد مـَرشـوشـَه ابـْدَم
واهـواهـَه هالصايـر سـَمْ
وردَه اوچانت خدهـه انشِـم
نـِعـْنـاعْ وَرد او ريحـان ـ ضاع ابتـرْ بين البتران
--------------------------------
اشـْوَكـِتْ تـِصـْحـَه يـالفـَقـيـرْ
بـالـحـكـومـَه تِــسـتـَجــيــر
نـِهـْبـَـوْ الحنـطـه والشــْعـِيـرْ
وانـْتَ الـتـاكـُلْ بالـكـتـانْ ـ ضاع ابتـر بين البتران
--------------------------------
بـَغـْـداد ظـالـمـهـََه الـوَكـِتْ
شـَعـَبـْهـَه دايـِخْ مـِنـْكـبـتْ
حـاكـِمـْهه عـايشْ بالسـحتْ
مـايعرف صـوم ابرمـضـان ـ ضاع ابتـر بين البتران
------------------------------------
عَ الـكـُرسي گـاعد مـنـتـصبْ
افـلـوسـَه جـَتـْي امن النـَصبْ
رَشـوه او فساد او هم گـَصـبْ
يـِـذبـَحــْنــه ذبــْح الـخـرفان ـ ضـاع ابـْتـَـر بين البترانْ
-----------------------------
يـاگـَلـبـْي اشـْمالك مـِحـتـارْ
اكـْتـب ســَـطـّر بـالأشـعـار
مـو كـافـيـنـَه الذل والـعـار
وايـُكـفـّـخْ بينـه الخـَوّانْ ـ ضاع ابـتـَر بين البتران